«

»

Aug 18

Eid Cake made By Me ;)

 

كيكة العيد الكل حبها ووايد سهلة

سويتها اليوم استعداداً للعيد 🙂

المقادير: هي

علبتين كيك شوكولاه بيتي كروكر

الحشوة: قيمر – كريمه – ظرفين دريم ويب ملعقة كبيرة سكر ناعم 

للتزيين: قالب كاكاو الصيداوي شوكولاته بالحليب الحجم الصغير

ثلاثة كاكاو مالتيزرز – كاكاو على شكل برينجلز

 

الطريقة: هي

نخبز كل علبة كيك في قالب بروحها – أنا اخترت القالب على شكل قلب الحب

قالب كبير وقالب صغير – ممكن يكونون اثنينهم نفس الحجم

 

بعدها  نضع مقادير الحشوة بالخلاط الكهربائي ثم نضع الكيكة الأولى وندهنها من الاعلى بالحشوة بعدها نضع الكيكة الثانية عليها من الأعلى – ممكن اللي حابه تسوي 4 طبقات كيك وبينهم الحشوة

بعدها نقطع قالب كاكاو الصيداوي في ماعون ونحطة بالميكرويف دقيقة ونص – ديروا بالكم وانتو اطلعونه راح يكون حار وايد – بالملعقة نحرك الكاكاو ونرجع اندخله الميكرويف دقيقة ونطلعة نحركة بالملعقة

لا تفكرون تضيفون للكاكاو اي شي مثل الحليب أو الكريمه أو القيمر لأن راح يخترب ويتكلكع 😉 مثل ما يقولون

نصب الكاكاو شوي شوي بالملعقة على الكيكة واللي يسيح نرجع ناخذ منه لغاية ما نغطي كل الكيكة

ضروري تكونون سريعين لأن الكاكاو راح يرجع يجمد

وقبل لا يجمد الكاكاو نزين الكيكة بكور المالتيزرز على الطراف وبعدها بالنوع الثاني من الكاكاو اللي على شكل بطاطا البرينجلز نبدي من اطراف الوردة من برا لي داخل

وحطوها بالثلاجة علشان يجمد الكاكاو كله عدل

 

وبالعافيـــــــــــــــــــــــــــــــة 🙂

1 comment

  1. Dr.Asma

    تسلم ايدياتك … فطامي .. كلك ذوق و رقه

Leave a Reply