«

»

Oct 28

Green Island

بما إن الجو بدا يبرد حبيت أذكركم في مكان أغلبنا أعتقد أن ما زاره من زماااان. وهو الجزيرة الخضرا، من جم يوم رحت الجزيرة الخضرا وصورت لكم مجموعة صور

الممر المؤدي للمدخل وفي على يمينه ويساره أنواع مختلفة من الألعاب

ملعب الصابون

نطاطية

 

سابقاً لما كان عمري 12 سنة أتذكر الذكرة كانت بربع دينار هههه الحين صار بالويك اند بدينار ونص الاسبوع بنص دينار

 أول ما دخلت ولا هالخريطة جدامي وموضح فيها جميع مرافق الجزيرة الخضرا

والكشك الصغير تلقونه على يمينكم أول ما تدخلون

القطار يلف فيكم الجزيرة

 

قواري أول اللي أثنينه يسوقونهم  🙂

 

 

 

 

 

 

 

 القطاوا تارسين الجزيرة من كثرهم ممكن انغير اسمها من الجزيرة الخضرا لي جزيرة القطاوا

 المنظر عجيب ما توقعت إن المكان ما زال حلو ويصلح للتمشي

 وهني قمة الوناسة لما صعدت فوق، تذكرت أيام الطفولة

 منظر الكويت رووووووووعة والجو عجييييب

 اللي يحب المشي أنصحه لا يطوف الجزيرة الخضرا لأن فيها أماكن وايد داخل ممن تستكشفونها 

 كان في مطرب وجمهور للاسف صوته مو حلو ههههه سألت الادارة قالوا فقط في الويك اند مرات يسوون حفلات

اشوا ان مو كل يوم لأن صراحة مخربين المكان بالازعاج اللي مسببينه

 وهني وانا أنزل مادري ليش تذكرت أفلام جيمس بوند ههههه

 سابقاً كان هني في ماي والمنظر عجيب ياريت المسؤولين عن الجزيرة الخضرا يهتمون فيها أكثر لأن كان منظر الماي حلو وفي مجرى يمشي فيه الماي وينزل من الجهة الثانية

 المكان وايد وايد حلو خصوصاً إذا كان الجو بارد وبالشتا حتى الصبح زيارة الجزيرة الخضرا روعة

 عندهم سيارات التنقل الصغار حق اللي عندهم ناس كبار بالعمر أو عندهم أغراض وايد

وأيضاً العمالة هناك ممكن يساعدونكم في نقل أغراضكم مقابل مبلغ مالي

 

 

5 comments

Skip to comment form

  1. Reem

    رووووووعه تقديمج صراحه وذكرتينا بأيام حلوه
    وياليت المسؤلين عنها يهتموون فيها ويخلونها معلم سياحي لديرتنا

  2. Safi

    Nice photos, great shots

  3. Hessa

    مشكوووره على انچ ذكرتينا بالجزيره الخضرا والله ايام
    يبيله زياره ان شاءالله لما يتحسن الجو

  4. shu0r0q

    الله وناسة تذكرت ايام قبل

  5. hend alansary

    والله كانت ايام واايد حلوة. . الحلو فيها انها مو زحمه الواحد ياخذ راحته. . شكلي بروحلها اودي بنتي خلتستانس بالتمشي. 🙂

Leave a Reply